[center]بسم الله الرحمن الرحيم
انا عايز اطرح سؤال مين الى صح ومين الى غلط اطفال البلد وشبابها ام من يساعد فى انتشار الفساد مافيش مكان تمشى فيه فى البلد الا والواحد بيلاقى فساد ويال الاسف هذا الفساد اصبح علنى عينى عينك بقينا نلاقى ناس من برا البلد بيجوا يفتحوا محالات وورش لتصليح المتسكلات والعربيات وغيره العيب مش هنا العيب اننا دايما نلاقى من شرع فى الفساد متواجد فى الاماكن الى زى دى
كتير بقينا نشوف اطفال والله العظيم اطفال بقوا بيشربوا سجاير وعلنى قدام الجميع
كما هنا ازمة اسمها ازمة المتسكلات الصينى من ساعة ما انتشرت المتسكلات دى فى البلد والفساد بينتشر نلاقى الطفل لسة عندوا
12 سنة وراكب المتسكل وفى البلد رايح جاى ومشغل اغانى باعلى صوت ولا هامة حرمة طريق ولا هامة الناس ولا اى حاجة
البنات بقو عادى بيشتموا ويغلطو عادى ويتكلمو بدون حياء ليه دايما معظم الشباب والاطفال بيروحوا على الى ماينفعوش يكونوا قدوة
دايما بيروحوا على الفساد
هنا هل العيب فينا ولا العيب فى الفساد ليه الاطفال دول والشباب مابيشوفوش الصح ليه ويعملوا خلاص انا مسكت موبيل وبيقيت اتكلم مع البنات واسمع اغانى واتكلم بكل تبجح انا كدا بقيت راجل الراجل الى يمسك سيجارة وعادى
ليه مانخدش القدوة الحسنة وان نتمسك بها ليه ما نشوفش الناس الملتزمة ونكون بصحبتها ليه مانحاولش نحار ب الفساد دا
والسؤال هل هذا سوء تربية من الاباء ام هذا عصر الديموقراطية ولا ايه باالظبط ليه دايما بنستخدم كل اداة الاستخدام الخاطئ
وياأباء القرية اغيثوا ابنائكم علموهم الصح والخطأ علموهم كيف يكون احترام الغير
وهذا فأنا مش عايز انسى ان فى كتير من شباب بلدنا صالحين ومن بناتنا الكثير والكثير محترمين هناك من يخاف الله هناك من يعرف الصح والخطأ وانا عايز وارجو من الشباب دول انهم يحاولوا ينجدوا اخواتهم من الضياع الى هما فيه يمكن يكون كلامى صعب او مش مظبوط من ناحية ناس تانيا بس دا الحال الى انا شايف البلد عليها الفساد بيزيد والملتزمين محلك سر وكل من هو كبير مقاما فى هذه البلدا محلك سر ما فيش اى توعية لا من شيخ ولا من اب ولا من اى شخصية بارزة فى البلد ارجوكم عايزين حل
موضوع: مين الى صح ومين الى غلط 
الثلاثاء 27 أكتوبر 2009 - 17:12
